Категорія: Різне

На лелію воду лію,
А на ружу не буду. (Двічі)
Погнівався мій миленький,
Перепрошувать не буду!

Погнівався на мя водни,
А я на него вночи. (Двічі)
Як він прийде коло мене,
Видрапаю му очи !

Ой не треба, моя мила,
Чорних очей драпати, (Двічі)
Як поїду я до войска,
Будеш за мнов плакати.

Як поїду до Сяночка,
До нового місточка, (Двічі)
А ти будеш жалувати
Молодого воячка.

На зеленій та і луці
Пасло дівча та і уці. (Двічі)

Пришов к ньому пишний дворак:
Ци ти будеш жена моя? (Двічі)

Як я буду жена твоя,
А кед я мам мужа дома? (Двічі)

А што би то учинити,
Чим би мужа отравити? (Двічі)

А йди ти до заградки,
Там накопаш білой м’ятки. (Двічі)

Намоч ти єй до скляночки,
Поставиш єй до світлички. (Двічі)

А як приде твій муж з поля,
Дай му пити, мила моя. (Двічі)

А як пришов єй муж з поля:
Дай мі пити, мила моя. (Двічі)

Подскочила до світлички,
Наточила пів скляночки. (Двічі)

А як він ся того напив,
За серденько ся улапив. (Двічі)

Жено, жено, волай діти,
Бо я иду в землю гнити. (Двічі)

Жена діти заволала,
До дворака лист писала. (Двічі)

Дворак, дворак, пишний дворак,
Юж я буду жена твоя. (Двічі)

Як ти будеш жена моя,
Кед ти мужа отравила? (Двічі)

Отруїлас мужа свого,
Струїш ти мене самого. (Двічі)

На мя бис ся роззлостила,
І мі бис то учинила. (Двічі)

Дворак, дворак, пишний дворак,
Бодай тебе кий покарав! (Двічі)

Як ти мене та овдовів,
Мої діти осиротив! (Двічі)