Категорія: Співанки

В райськім городі росла лелія,
А хто її садив — Панна Марія.
Як садила, так садила,
Лелія ся розцвіла.
Гей, лелія, Панна Марія.

Прийшов до неї батько єї:
Дай мі, Мариню, листок лелії.
Не дам, не дам ні листочка,
Бо то моя лелійочка.
Гей, лелія, Панна Марія.

Прийшла до неї матінка єї:
Дай мі, Мариню, листок лелії.
Не дам, не дам ні листочка,
Бо зів’яне лелійочка.
Гей, лелія, Панна Марія.

Прийшов до неї миленький єї:
Дай мі, Мариню, цвіток лелії.
Ой дам, ой дам білу лелійочку,
Бо то мому коханочку.
Гей, лелія, Панна Марія!

В неділю рад паленку пию,
В понеділок я єй вилію.
В вівторок райзую,
Ищи я си при гудачках танцую.
В вівторок райзую,
Ищи я си при гудачках танцую.

В середу треба домів піти,
А в четвер дашто би зробити.
В п’ятницю, в суботу
Треба би мі полічити роботу.
В п’ятницю, в суботу
Треба би мі полічити роботу.

А пришва мі, пришва свята неділенька,
Пива би ся, пива слодка паленочка.
И так ден поза ден,
Пива би ся паленочка каждий ден!
И так ден поза ден,
Пива би ся паленочка каждий ден!

В нашой Марисі трої молодці.
Я в неї, гей, я в неї,
Я молоденький стратив літойка для неї!

В нашім саді явір посаджений,
Співат на нім пташок премилений.
Слухай, дівча, як тот пташок співат,
Же з любови ниґда нич не биват.

Похилився явір на калину,
Слухай, мила, такую новину,
Же з кохання добрі не биває,
Як хто кого вірно не кохає.

Мі ворожка так поворожила,
Же мя буде дівчина любила,
Же не буду за ньов видів світа,
Аж минутся мої млоди літа.

Під облачком явір зеленіє,
Посмотр, мила, як тот вітер віє.
Може вирвац його з коренями!
Моя мила, што то буде з нами.

В нашім керті ягоди, малини, (Двічі)
Почалися згори до долини. (Двічі)

А хто мі їх позберат, позберат, (Двічі)
Кед я не мам свойого милого. (Двічі)

Ой Боже мій, Боже мій, Боже мій, (Двічі)
Де ся діват розкош мій, розкіш мій? (Двічі)

Ой дуй, вітре, горошок, вітрочок, (Двічі)
Та за мойом розкошом, розкошом. (Двічі)

Розкошонько, гей, моя, гей, моя,
А де ж мі ся поділа, поділа?
По високій горі, гей, горі, гей
З вітром полетіла, полетіла!