Категорія: Співанки

Ой шугаю, што ти робиш,
Же ти до нас юж не ходиш?
Мамка мі так повідали,
Же юж ня не любиш.

Кед бим тебе юж не любив,
То бим до вас не приходив.
Тоти мої врани коні
Гладом бим не морив.

Ой шугайова я буду,
Тай до леса не піду.
Ой чула я соловія тай в вишневому саду. (Двічі)

А соловей щебече, зозуленька кує,
Ой Бог знає, Бог відає, де мій милий ночує. (Двічі)

Кучерики мої дрібні,
Де ви ся поділи?
А г містечку на ратуші кавки гнізда звили. (Двічі)

Ой чорна гора, чорна,
Та коби побіліла.
Корчмарева Гандзя, (Двічі)
Та коби повдовіла.

Ой коби повдовіла,
Била би то мі жена,
Била би то, била, (Двічі)
Гей, любост премилена!

Ой чия ж то хата з краю,
Що я єї не знаю,
Ой чия ж то дівчинонька,
Що я єї кохаю.

Ой маю я товариша,
Товариш мя відведе.
Та товариш кращий мене
Гарну любку відбере.

Засвітив я першу свічку,
Поглянув я по кутах,
Чи не сидить дівчинонька
В товариша на руках.

Засвітив я другу свічку,
Поглянув я по кутах,
Сидить, сидить дівчинонька
В товариша на руках.

Засвітив я третю свічку,
Поглянув я по кутах,
Як сиділа, тай заснула
В товариша на руках.

Дам я тобі, товаришу,
Три таляри на руку—
Не відберай дівчиноньки
Молодої довіку.

Дам я тобі, товаришу,
Товаришу, рублів п’ять,
Як ти кохав, не тра було
Дівчиноньки покидать.

Ой чий же то шугай, як ружа,
Дай же мі го, Боже, за мужа.
Нич бим му робити не дала,
Лем бим го про красу тримала.
Нич бим му робити не дала,
Лем бим го про красу тримала.

Плачут мої очка чорняви,
Ой плачут і гводне і вночи,
Они плачут гірко, горенько,
Бо болит за милим серденько.
Они плачут гірко, горенько,
Бо болит за милим серденько.