Категорія: Співанки

Ой чи є, чи нема пан господар дома?
Щедрий вечір, добрий вечір, пан господар дома.

Ой нема, ой нема, та й поїхав до млина.
Щедрий вечір, добрий вечір, та й поїхав до млина.

Пшениченьки спетлювать, пива-меду купувать.
Щедрий вечір, добрий вечір, пива-меду купувать.

Пива-меду купувать, своїх гостей частувать.
Щедрий вечір, добрий вечір, своїх гостей частувать.

Ой чи є, чи нема господаря дома?
Щедрий вечір, добрий вечір, господаря дома.

Ой нема, ой нема та й поїхав до млина,
Щедрий вечір, добрий вечір, та й поїхав до млина.

Пшениченьки спетлювать, пива-меду купувать,
Щедрий вечір, добрий вечір, пива-меду купувать.

Пива-меду купувать, своїх гостей частувать,
Щедрий вечір, добрий вечір, своїх гостей частувать.

Ой чардаша, чардаша,
Ой чардаша мі грайте,
Ту штири дудки мате
І весело лем грайте.

Ой грайте же, гудаци,
Та й чардаша весело,
Жеби ся молодятам
Та й господарство вело.

Ой што правда, то правда,
То не видумка жадна,
Же наша пані млода
Шумна єст і парадна!

Ой кувала зозуля
Та й в лісі на ялинці,
Шумни в Тиляві дівки
І вельки парадниці.

Ой добра моя мамця,
Ой што мя виховала,
А і тота мамичка,
Ой што мі дівча дала.

Ой товди мі ся, товди
Та й дівча сподобало,
Ой як сой на потічку
Та ножки обмивало.

Ой єдном ручком ножи,
Ой а другом личенько,
Ой товди мі дівчатко
Та й впало до серденька.

Ой циганочко миленька, (Двічі)
Причаруй же мі фраїра. (Двічі)

Як ти го буду чаровац, (Двічі)
Мусиш мі троха даровац. (Двічі)

Поглядай старого зільска, (Двічі)
Причаруй же ти го гнеска. (Двічі)

Даруй старій фартух заплати, (Двічі)
Той будеш фраїра мати. (Двічі)

Ой ходило дівчатко по лісі плачучи,
Тай шукало бондаря, щоб стругат обручи. (Двічі)

Ойбондарю, бондарю, побий мі ґавґару,
Ой бо буду носити водицю з Дунаю. (Двічі)

Ой єще раз, єще раз піду, дівча, до вас.
Ой як мі тя не дадут, піду ся звербовац. (Двічі)

Ой як я ся звербував на сивого коня,
Ой будеш ти жаловать, фраїречко моя. (Двічі)

Ой не звербував єм ся про зелене пірко,
Ой але ся звербую про тебе, фраїрко. (Двічі)