Категорія: Співанки

Ой ходжу я попід гору, ой попід гору зелену,
Попід гору, під зелену, по дівчину молодену. (Двічі)

Ой Іванко, моя мила, винес же ми грудку сира,
Грудку сира, лем твердого, а і вина червеного. (Двічі)

Ор же, Ваньцю, скибу з яри, буде видно аж в Брунари.
Буде оно зеленіло, тото житко, штоб вродило. (Двічі)

Ой учка, учка, учка зелена,
Пасло там на ній дівча оленя,
Гей, гей, гей, дівча оленя.

Не бив то олень — била серна.
Чекай мя мила рочок, або два,
Гей, гей, гей, рочок, або два.

Ой мамцю, мамцю, хто то пукат,
Чорни очка ма, на мя позерат,
Гей, гей, гей, на мя позерат.

Нех не позерат, нех він зайде,
За ручку тебе в церковцю веде,
Гей, гей, гей, в церковцю веде.

Ой укушу разок сира —
Сирец солоденький,
Позираю на вівчаря —
Вівчар молоденький.

Ой вівчаре, вівчарику,
Чом не засмієшся?
Поцілуй мої личенька,
Покля м молоденька.

Ой у саду, саду, саду-винограду, радуйся!
Радуйся, земле, Син Божий народився.

А у тому саду сивий коник грає, радуйся!
Радуйся, земле, Син Божий народився.

А до того коня ніхто не приступит, радуйся!
Радуйся, земле, Син Божий народився.

А тільки приступит молодий Іванко, радуйся!
Радуйся, земле, Син Божий народився.

Іванко приступив, сіделечко наклав, радуйся!
Радуйся, земле, Син Божий народився.

Сам сів та й поїхав аж до королівни, радуйся!
Радуйся, земле, Син Божий народився.