|
Не бий мене, мужу, вночи, (Тричі)
Бо мі виб’єш кари очи.
Прийде, мужу, біла днина (Тричі)
Повідж, мужу, штом ти винна?
А як добре поміркуєш, (Тричі)
То мі шиткой подаруєш.
|
|
Не биво то, як то гвони,
Биви ябка на ябвони.
Биви сладки, биви квасни,
А в Розділю дівки красни.
Биви сладки, биви квасни,
А в Розділю дівки красни.
Красни, красни, краснисіцькі,
Мають ґамбці солодзіцькі.
Як єм єдну поцілував,
Сім раз єм ся облизував.
Як єм єдну поцілував,
Сім раз єм ся облизував.
|
|
Наштос, дівча, зьвяндало,
Же мя будеш кохало,
А як прийшло до того —
Полюбилос другого.
Нич то, моя мила, нич,
Же я мушу вояк биц,
Бо то вшитко про тебе,
Же я ходив до тебе.
|
|
Наш кумонько, наш кумонько справедливий,
Вималював образочок, але живий.
Ой Боже, ой, Боже, што робити мам,
Ой де я тот образочок повожити мам?
Ой Боже, ой, Боже, што робити мам,
Ой де я тот образочок повожити мам?
Повожу го на полицю — закурится,
Повожу го під перину — задусится.
Ой Боже, ой, Боже, юж тепер знам,
Же я тот образочок ковисати мам.
Ой Боже, ой, Боже, юж тепер знам,
Же я тот образочок ковисати мам.
|
|