Грабай же лем, моя мила, ой то сіно зелене.
Я бим го грабала, я бим го грабала, ой, кед не мам накошене. (Двічі)
Закошай же, мій миленький, а я буду підбирала,
Буду їдним очком, буду їдним очком, ой на тебе позерала. (Двічі)
Ей, кед собі заспівам, ей, зрана попри росі,
То мене почує, то мене почує мій миленький, коли косит. (Двічі)
|
Гоя, гоя, коо поля вимий ножки — Ищим ножки не гмивава, Ищим ножки не гмивава, |
Гоя же мі, гоя, коло того поля,
Коло той дубини, Боже мій єдиний.
Жеби то не гори, жеби не ялиці,
Виділа бим я си няня в Америці.
Але кой то гори, але кой ялиці,
Не буду виділа няня в Америці.
Господарю наш, прид же ти до нас,
Ой дав єс нам їсти, пити,
Покаж же нам домів піти,
Бо юж пізний час.
Час додому, час, господарю наш,
Бодай тобі пощастило,
А за рочок знов гродиво,
Господарю наш.
Гором воли, гором,
А я піду долом,
Вийд до мя, дівчатко, (Двічі)
Бо гину за тобом.
Вийд до мя, дівчатко, (Двічі)
Бо гину за тобом.
Світив би місячок,
Хмари му не дают.
Взяв би шугай дівча, (Двічі)
Люде одгваряют.
Взяв би шугай дівча, (Двічі)
Люде одгваряют.
Прид ку мі, милий, прид,
Або ся мі присни.
Водне, ани вночи (Двічі)
Не зийдеш мі з мисли.
Водне, ани вночи (Двічі)
Не зийдеш мі з мисли.
Воднес мі на мисли,
А ніч без сну мине,
Добрі моє серце (Двічі)
За твоїм не згине.
Добрі моє серце (Двічі)
За твоїм не згине.
А, серденько моє,
Чом мя поболюєш,
Чом ти мі не повіш, (Двічі)
За ким так бануєш?
Чом ти мі не повіш, (Двічі)
За ким так бануєш?
Баную, баную,
Жаль мі не поможе,
Кого я любила, (Двічі)
Верний мі го, Боже!
Кого я любила, (Двічі)
Верний мі го, Боже!
Чиє то дівчатко
Вчера воду брало?
Я на ню запискав, (Двічі)
Оно заплакало.
Я на ню запискав, (Двічі)
Оно заплакало.
Я на ню запискав
На ценкім листочку.
Оно заплакало: (Двічі)
Врац ся, шугаїчку!
Оно заплакало: (Двічі)
Врац ся, шугаїчку!
А, Боже, мій Боже,
Хто ж мене споможе?
Милий Бог високо, (Двічі)
Родина далеко.
Милий Бог високо, (Двічі)
Родина далеко.