Категорія: Співанки

Горой, горой, долиною (Двічі)
Оженився старий, старий з молодою. (Двічі)

Пішов старий на поле орати, (Двічі)
А молода до корчми гуляти. (Двічі)

Іде старий із поля з ораня, (Двічі)
А молода із корчми з гуляня. (Двічі)

Старий, старий, принеси мі меду, (Двічі)
Бо я така хора, голови не зведу. (Двічі)

Пішов старий од хати до хати (Двічі)
Своїй жені лікарства глядати. (Двічі)

Приніс він ї дубового сала, (Двічі)
Як посмарував, то скора одстала. (Двічі)

Пішов старий до корчми, до Гершка, (Двічі)
А молода на ложи небожка! (Двічі)

Горіла липка, горіла,
Під ньов дівчина сиділа.
Іскорки на ню падали,
Парубки за ньов плакали.

В решеті воду носили,
Зелену липку гасили.
Кілько в решеті той води,
Тілько в парубка той правди.

В решеті воду носили,
Зелену липку гасили.
Кілько в решеті є дірок,
Тілько є в селі красних дівок!

Горіла липка і явір,
Горіла липка і явір, і явір,
Сподобав мі ся кавалір.
Горіла липка і явір, і явір,
Сподобав мі ся кавалір.

Горіла липка і явір.
Горіла липка, горіла, горіла,
Під ньов дівчина сиділа.
Горіла липка, горіла, горіла,
Під ньов дівчина сиділа.

Іскерки на ню падали.
Іскерки на ню падали, падали,
Парібци за ньов плакали.
Іскерки на ню падали, падали,
Парібци за ньов плакали.

Не плачте, парібци, не плачте.
Не плачте, парібци, не плачте,
Дзелену липку загасте.
Не плачте, парібци, не плачте,
Дзелену липку загасте.

В решеті воду носили,
Дзелену липку гасили, гасили,
Дзелену липку гасили.
Дзелену липку гасили, гасили,
Дзелену липку гасили.

Кілько в решеті той води,
Кілько в решеті той води, той води,
Тівко парібской паради.
Кілько в решеті той води, той води,
Тівко парібской паради.

Горіла липка і явір.
Горіла липка і явір, і явір,
Десь ся мій милий забавив.
Горіла липка і явір, і явір,
Десь ся мій милий забавив.

Забавив він ся при Тисі.
Забавив він ся при Тисі, при Тисі,
Їмав він рибки Марисі (Ярисі).
Забавив він ся при Тисі, при Тисі,
Їмав він рибки Марисі (Ярисі).

Горіва липка, горіва,
А під ньов мива сідива,

Іскорки на ню падали, падали,
Вшитки парібки пвакали.

Іскорки на ню падали, падали,
Вшитки парібки пвакали.

Ой ви, парібки, не пвачте,
Зелену липку загасте.

Парібци липку гасили,
В решетах воду носили.

Парібци липку гасили,
В решетах воду носили.

Зелена липка ядловец,
Ліпший кавалір, як вдовец…

Бо вдовец биє, катує,
Кавалір стискат, цювує.

Бо вдовец биє, катує,
Кавалір стискат, цювує.

Под же, миленький, до саду,
Будем сіяти розсаду,

Розсада буде сходити,
Ми ся будеме любити…

Розсада буде сходити,
Ми ся будеме любити…

Гори наши, гори наши, гори наши Карпати,
Нихто не знат, нихто не знат, ей, кильо ви в нас вартате. (Двічі)

Гори наши, гори наши, гори наши Карпати,
Не міняв бим, не міняв бим, ей, вас на жадни дукати. (Двічі)

Не даме вас, не даме вас, гори наши Бескиди,
Бо вас дати не казали, ей, наши діди-прадіди. (Двічі)

Гори наши, тепер знаю, кильо ви в нас вартате.
Нема в світі краще краю, як наши рідни Карпати! (Двічі)