Позначка: лемківські пісні

Не за то сой співам, бим весела била,
Але за то сой співам, ой, жебим не забила.

Гори і долини, знижтеся же ниже,
Ой жеби к миленькому било мені ближе.

Не жалуй, не бануй ти, дівчатко, того,
Що я ся налюбив личенька твойого.

Нич бим жалувала, нич бим банувала,
Ти би не любував, якби м не казала.

Повідала я ти в зелененькім бобі,
Жеби ти си глядав по своїй подобі.

Глядай же си, глядай, бо я вже си найшла,
Бо я тя не буду оченьками пасла.

Не єдна дівчина в селі хлопця має
А мі сиротині нич ся не трафляє (Двічі)

Піду я на музику — хлопці сой співают,
Берут дівчат в танец, а мене минают. (Двічі)

Сиджу я си, сиджу і так си думаю:
Нихто мя не хоче, бо поля не маю. (Двічі)

Де широка вода на тихім Дунаю,
Піду та й втоплюся, бо долі не маю. (Двічі)

Мамцю, моя мамцю, што єс ти зробила,
Же єс мене сироту без поля лишила. (Двічі)

Не вступимеся з кута, (Двічі)
Покля не дате дукат.

Грайте, гудаки, різко, (Двічі)
Кланяйся, Марись, низко.

Як вітцю, так матоньці, (Двічі)
Так цілой родиноньці.