Позначка: війна

КРАКІВСЬКА ШИНКАРКА

Краківська шинкарка
Пиво несе. (Тричі)
Лемківски воячки,
Напийте се,
Гей, ля тріля, напийтесе.

Мислиш, шинкарочко,
Же я малий, (Тричі)
Лем мі, качмаречко, пива налий,
Гей, ля тріля, пива налий!

Я си воячок,
Піняз мам дос. (Тричі)
Гей, ля тріля, як єден влос!
Гей, ля тріля, як єден влос!

КРАКІВСЬКА КАСАРНЯ

Краківська касарня, широкий двір, (Двічі)
Проходится по ній миленький мій. (Двічі)

Він проходится і гірко плаче, (Двічі)
Аж ся та касарня ціла трясе. (Двічі)

Як ми ся до войска вибирали, (Двічі)
То наши мамуся барз плакали. (Двічі)

Ой мамичкоі наша, чом плачете, (Двічі)
Ви за нас до войска не підете. (Двічі)

Ой де ж бим я, де ж бим я не плакала, (Двічі)
Кед я вас так тяжко виховала. (Двічі)

Ой виховала тя, яко пташка, (Двічі)
До чужой (польской) армії за воячка. (Двічі)

Ищи єм не заспав-вставац мушу, (Двічі)
Свойого старшого слухац мушу. (Двічі)

То старший наш трубит на всі строни: (Двічі)
— Вставайте вояци мальовани! (Двічі)

Співається на мелодію пісні ШИРОКИЙ МОСТОЧОК ПОГИНАТСЯ

Антологія лемківської пісні /Упорядник М. Байко/. — Львів, Видавнича фірма «Афіша», 2005

КОЙ БУДУ Я МАШЕРУВАЦ

Кой буду я машерувац, дам я собі коня кувац (Двічі)
А за калап возму квітя, мила моя, зіставлю тя. (Двічі)

Ти од жалю плакац будеш, дробни листи писац будеш, (Двічі)
Дробни листи виписани, слезоньками покапани. (Двічі)

Слезоньками покапани, од серденька написани, (Двічі)
Пиш, миленька, атраментом, буду читав з реґіментом, (Двічі)

КЕД МІ ПРИШЛА КАРТА НАРОКОВАЦ

Кед мі пришла карта нароковац,Став я свого няня дошиковац:Няню, ви, мій няню, зробте таку волю,Идте за ня служиц на ту войну. Кедь мі пришла карта нароковац,Став я музикантів дошиковац:Гей, ви, музиканти, заграйте мі чардаш,Най я сой погулям в той молодий час. Стали музиканти чардаш грати,Стали мі ся сльози з очей ляти,Нихто не заплаче: ни отец,… Читати далі КЕД МІ ПРИШЛА КАРТА НАРОКОВАЦ

ИШОВ МИЛИЙ З ВОЙНИ

Ишов милий з войни, так мі наказував,
Жеби моє личко інший не любував,інший не любував. (Двічі)

Не бійся, миленький, нич ся мі не стане,
Хоц дехто полюбит, тобі зостане, тобі зостане. (Двічі)

Била любост, била, юж не буде така,
Бо той дівочка не кажда єднака, не кажда єднака. (Двічі)

Била любост, била медже нами двома,
Юж така не буде медже десятьома, медже десятьома. (Двічі)

Як я сой заспівам красні, премилені,
Юж мі ся розов’ют під бучком корені, під бучком корені. (Двічі)

Заспівам сой раз, бо маю такий глас,
Почує мя милий, де буде коня пас, де буде коня пас. (Двічі)

Жально мі тя жально, моя мила, жально,
Бо тя не виділи мої очка давно, мої очка давно. (Двічі)

Бо тя не виділи ни гнеска, ни вчера,
Мої оченята ни гнеска, ни вчера, ни гнеска, ни вчера. (Двічі)