А кілько то було той моєй утіхи,
Щом ся находила вліті на оріхи.
Погнівалам милого, не розмовлям до нього.
Маю я милого од нас недалечко,
Такий красний, гарний, як тото яблочко.
Так си красно співат, а ще краще танцює.
Барз красно співає і красно танцює,
Ручком обіймає, личко поцілує.
Перепросив Яничок, буде ставав на рушничок.
А звідси гора, звідси другая,
Меже тими гороньками сходила зоря.
Я собі гадав, що зоря зійшла,
А то моя дівчинонька по воду ішла.
Дівчино моя, напій мі коня.
Не напою, бо ся бою, бо щем не твоя.
Як буду твоя, напою ти два
З мурованой керниченьки, з нового ведра.
А кінь воду п’є, копитами б’є,
Утікай же, моя мила, бо він тя заб’є.
Дівчино моя, сідай на коня,
Поїдемо в чисте поле до мого двора.
А в моїм дворі штири покої,
Ще й п’ятая світличенька для нас обоїх.
А за нашом хижом сиви волчата. (Двічі)
Младий я ся женив, (Двічі)
Плачут дівчата.
Не ошукав я ся яко на віні. (Двічі)
Воли може продай, (Двічі)
Але жену ні.
Ой бо воли продаст за триста злотих, (Двічі)
Ой але жену ні (Двічі)
За сто дукатів.
Ой який то тяжкий тот стан малженьский, (Двічі)
Ой ищи тяжший, (Двічі)
Як камін млиньский.
Ой бо камін млиньский вера хлоп рушит, (Двічі)
Ой а стан малженьский (Двічі)
Лем Бог розлучит.
А за нашом хижом пелехата грушка, (Двічі)
Юж ся похилила (Двічі)
Доєдна галузка.
Доєдна галузка, і вершок ся зламав. (Двічі)
Молодий паробок (Двічі)
З дівчатма в карти грав.
Грали они, грали, полігали спати. (Двічі)
Прилетів сивий птах, (Двічі)
Почав їх зганяти.
Вставай, дівча, вставай, юж єс ся виспала, (Двічі)
Твій зелений вінец (Двічі)
Бистра вода взяла.
Ой як си го взяла, нехай си го бере. (Двічі)
Ми ся побудиме, (Двічі)
Ми го здогониме.
В калиновім лесе улан коня чеше, (Двічі)
Шабльом траву косит, (Двічі)
Коникови носит.
А за нашом заградочком
Ясне сонце світит,
Всіяла там моя мила (Двічі)
Вселенкеє зіля.
Засіява, заграбава,
Біла ружа зишла,
Тай сама мі моя мила (Двічі)
До касарні пришва.
А за нашом заградочком
Ясне сонце світит,
А ти в войску, моє серце, (Двічі)
Нихто тя не видит.
Сонце сходит і заходит,
Житя проминає,
Ци ти скоро ся повернеш, (Двічі)
Мамичка питає.
Дам ти ружу біленькую,
Штом єй поливала,
Дам і руку вірнесеньку, (Двічі)
Буду з войска ждава.