Автор: admin

Моя мила премила-премила,
Пораю ти фраїра, фраїра,
Пораю ти кого хцеш, кого хцеш,
Бо ти моя не будеш, не будеш.

Моя мила, премила-премила,
Що ти будеш робила, робила?
З ким ти до шлюбу підеш, ба підеш.
Бо ти моя не будеш, не будеш.

Ой не бійся, шугаю, шугаю,
Я шварного фраїрочка маю.
Коли хочу цілую, цілую,
Коли хочу любую,любую.

Моя мива, якас мі парадна,
На каждий ден хусточка єдвабна.
Вера Боже, же ти мойом будеш,
Же ти з говом шийом ходиц будеш.

Не буду я з говом шийом ходиц,
Піду я сой до пана заробиц.
Буду копац грядку цикорию,
Зароблю си хусточку на шию.

Мива моя на брежку стоява
І на мене смутні спозерава.
Мива моя, не спозерай смутне,
Бо мі моє серце з жалю пукне!

Моя мамця вороженька
Так мі ворожила:
Не кохай ти, доню, хлопців,
Бо будеш тужила.
Не кохай ти, доню, хлопців,
Бо будеш тужила.

А я мамцю послухала,
Єй волю вчинила.
Зістала ся без милого,
Як в полі калина.
Зістала ся без милого,
Як в полі калина.

А там в полі вітер віє,
Калином колише,
Сідит дівча над водою,
Дрібний листок пише.
Сідит дівча над водою,
Дрібний листок пише.

На улици скрипка грає,
Мати не пускає.
За багатого сусіда
Мене заручає.
За багатого сусіда
Мене заручає.

На багацтво я не зважам,
Нияк, ани трошки.
Дайте мені кусок землі
І чотири дошки.
Дайте мені кусок землі
І чотири дошки.

А ручники мережани
Дай ти мі до гробу,
А хустину вишивану
Дайте єй милому.
А хустину вишивану
Дайте єй милому.

А на єдній могилочці
Чорний ворон кряче,
А на другій могилочці
Стара мати плаче.
А на другій могилочці
Стара мати плаче.

Ей, не плач ти, стара мамцю,
Сама с то вчинила,
Же ти свою рідну доню
Зо світа згубила.
Же ти свою рідну доню
Зо світа згубила.