Автор: admin

МОЯ ФРАЇРЕЧКО, ВИВИЙ МІ ПЕРЕЧКО

Моя фраїречко, вивий мі перечко, (Двічі)
Вивий мі зелене, (Двічі)
А напівчервене.

Вивию, вивию, але ти го не дам, (Двічі)
Бо на твою красу (Двічі)
Доброй волі не мам.

Чого ж ти не пришов, як я ти казала, (Двічі)
Юж твоє перечко (Двічі)
Бистра вода взяла.

Стан собі, шугаю, на дубовім мості, (Двічі)
Несе твоє перко (Двічі)
Рибонька на хвості.

Не єдна рибонька попід міст перешла, (Двічі)
Але я не видів, (Двічі)
Жеби перко несла.

Фраїречки штири, про штосте ся били? (Двічі)
Про тебе, фраїрю, (Двічі)
Бо зме тя любили.

МОЯ МИЛА, МОЯ МИЛА, ПРЕМИЛА

Моя мила, моя мила, премила,
Пораю ти, пораю ти фраїра.
Пораю ти, пораю ти, кого хцеш,
Бо юж моя, бо юж моя не будеш.

Моя мила, моя мила, дай ручку,
Бо я їду на ту войну французку.
А як піду, там юж мене забиют,
А пізніше розмарином прикриют.

МОЯ МИЛА ШУДРЕ-ДУДРЕ

Моя мила шудре-дудре, же я п’ю, (Двічі)
Почкай, мила, бо ти пожалуєш, як я гмру. (Двічі)

Як я буду на лавочці лежати, (Двічі)
То ти будеш, моя наймиленьша, плакати. (Двічі)

Стань же, милий, чорнобривий, стань, серце, (Двічі)
Нап’ємося тої горілочки, як перше! (Двічі)

Нап’ємося горілочки ще й меду, (Двічі)
Юж я своїх карих очей не зведу… (Двічі)

МОЯ МИЛА ЧОРНОБРИВА ЗО СРОКОВЕЦ

Моя мила чорнобрива зо Сроковец,
А я тримам лем для тебе зо сто овец.
Зо сто овец і коничка,
Моя мила чорнобрива, біли личка.
Зо сто овец і коничка,
Моя мила чорнобрива, біли личка.

А ти, милий шугаїчку, з Вапенного,
Осідлай же мі коничка вороного,
Кониченька вороного,
А для мого шугаїчка молодого.
Кониченька вороного,
А для мого шугаїчка молодого.

МОЯ МИЛА ПРИ ЯРЕЧКУ, ШТО РОБИШ