Категорія: Співанки

МАРІЯ ДІВА ДНЕСЬ ПОРОДИЛА (колядка)

Марія Діва днесь породила
Цвіт пахучий, цвіт розкішний.
Єго здавна світ весь грішний,
Здавна пожадав.
Єго здавна світ весь грішний,
Здавна пожадав.

У Вифлеємі зацвів красою
Цвіт той райський, Божий ясний,
І рознісся запах красний
По всій землиці.
І рознісся запах красний
По всій землиці.

Заблисла зоря й несе по світі
Вість веселу, звістку милу,
Що всіх вбогих звеселила —
Христос приходить.
Що всіх вбогих звеселила —
Христос приходить.

А за зорею, а за красою
Вже ідуть люди, вже ідуть веселі.
У Вифлеємську оселю
Несуть поклони.
У Вифлеємську оселю
Несуть поклони.

Несуть поклони з всіх кінців світа,
Несуть і дари, хто що може.
Ісус — цвітка, Дитя Боже,
Благословить всіх.
Ісус — цвітка, Дитя Боже,
Благословить всіх.

МАРИСЮ, МАРИСЮ, Я ТЕБЕ НЕ ЛИШУ

Марисю, Марисю, я тебе не лишу,
Я твоє імено, на папір запишу. (Двічі)

На папір запишу, на стіну повішу,
Жеби люди знали, же я мам Марисю. (Двічі)

Марисю тетина, ми собі родина,
Ани я, ани ти, не мали фраїра. (Двічі)

МАМ Я КРАСНУ ЗАГРАДЕЧКУ

Мам я красну заградечку,
Нихто не знат, што в ній мам.

Мам я красну заградечку,
Нихто не знат, што в ній мам.

Та лем тота фраїрочка,
Што она мойом буде.

Та лем тота фраїрочка,
Што она мойом буде.

Фраїрочка задримала,
Задримала, я заспав.

Фраїрочка задримала,
Задримала, я заспав.

А хто же мі, а хто же мі
З-за калапа перко взяв?

А хто же мі, а хто же мі
З-за калапа перко взяв?

МАМ Я КОСУ, КОСІЧКУ

Мам я косу, косічку,
Мам я кому остру.
Она мі покосит, бо мусит
На самім горбочку.

Мам я косу косічку,
Мам я косу тупу.
Она мі покосит, бо мусит
Чатиноньку суху.

МАМ Я КОСУ ОД ТАМТОГО РОЧКУ

Мам я косу од тамтого рочку, (Двічі)
Моя коса добрі косит по самім горбочку.

Мам я косу, мам я косу добру, (Двічі)
Моя коса добрі косит команічку дробну.

Мам я граблі без єдного зубця, (Двічі)
Але я їх добрі продам, бо мам на них купця.

Мам я граблі з шиткима зубцями, (Двічі)
Буду нима сіно грабав тай медже горбами.