Категорія: Співанки

ІШЛИ КОЗАКИ З ВИВОЗУ

Ішли козаки з вивозу, з вивозу,
І стали собі коло перелазую (Двічі)

А єден гварит: Темная ночка.
А другий гварит: Бистра водичка! (Двічі)

А третій гварит: Ту нам ночувати,
Прийде ту до нас Марисіна мати. (Двічі)

А Марися в недоли лежала
І заморського зіля пожадала. (Двічі)

А я ти, Марисю, зіля роздобуду,
Ой як я твоїм приятелем буду. (Двічі)

Почав козачок то зіля копати,
Почала над ним зозуля кукати. (Двічі)

Іде козачок додому зо зільом,
А Марися до шлюбу з весільом. (Двічі)

Вирвав козачок острий меч з-під бочка,
Зорвав Марисі головоньку з плеча! (Двічі)

А на ж ти, Марисю, заморського зіля,
Жебис не справляла без мене весіля! (Двічі)

ІШЛИ ЖЕНЦІ ЖИТО ЖАТИ

Ішли женці жито жати, (Двічі)
Тай забули серпи взяти. (Двічі)

Серпи взяли, хліб забули, (Двічі)
О, які ж то женці були. (Двічі)

Жали, жали, тай лишили, (Двічі)
Бо ся дуже потомили. (Двічі)

Якби його хлопці жали, (Двічі)
Вони б йому ради дали. (Двічі)

Ходить Сербан по обрінку (Двічі)
Тай шукає собі жінку. (Двічі)

Ой Сербане, Сербаночку, (Двічі)
Возьми мене за жіночку. (Двічі)

Як я маю тебе брати, (Двічі)
Коли в тебе лиха мати. (Двічі)

Лиха мати — вся родина, (Двічі)
А я бідний сиротина… (Двічі)

ІЗРІВНЯЙ, БОЖЕ

Ізрівняй, Боже, гори, долини рівненько,
Аби мені ся до мого нянька видненько.

Ой хоть видненько, хоть не видненько, не дбаю,
Я свого неня по голоскови спознаю.

ІЗ-ЗА ГОРОЧКИ, З-ЗА КАЛИНОЧКИ

Із-за горочки, з-за калиночки
Колядники йдуть з Україночки.
Пустилися ми в високі гори,
Ідім за грішми, та й до комори.

Та й до комори ключики бери,
Скоро розмикай, та й гроші давай.
Ой давай, давай, не затинайся,
На пусту скриню не заклинайся.

Ой хцеш, ци не хцеш — мусиш нам дати,
Без червеного не підем з хати,
Ой дайте, дайте, як мате дати,
Як нам юж дате, підеме з хати.

ІДИ, ДРУЖБО, ДО КОМОРИ

Іди, дружбо, до комори, (Двічі)
Прось родину до покори.

Як вітця, так матоньку, (Двічі)
І цілую родиноньку.

Маш родину богатую (Двічі)
Так як в полю лозиную.

Вийд, молода, з комороньки (Двічі)
І привитай бояроньки.

І свойого миленького, (Двічі)
І сядеш си коло нього.

Грайте же, музики, ризько, (Двічі)
Кланяй ся, молода, низько!