Позначка: лемківські пісні

МОЇ МИЛИ ЯГОДИ

Мої мили, мої мили ягоди,
Вшитке сте мі попадали до води.
Хто вас достане, то най достане,
Най же лем ся моїй милій кривди не стане.

Мої мили, мої мили малини,
Хпали сте мі до глубокой долини.
Хто вас достане, то най достане,
Най же лем ся моїй милій кривди не стане.

Мої мили, мої мили чорниці,
Хпали сте мі до глубокой студниці.
Хто вас достане, то хто вас достане,
Най же лем ся мой милій кривди не стане.

МИХАЛЕ, МИХАЛЕ, НЕ ПИЙ ВОДУ В СКАЛЕ

Михале, Михале, не пий воду в скале.
Напийся в ліщині, (Двічі)
Дай спокій дівчині. (Двічі)

Вшитки люде на ня, як на поганина,
І отец, і мати, (Двічі)
І вшитка родина. (Двічі)

Вшитки люде на ня, же я люблю Ваня,
А я не боюся, (Двічі)
З того виведуся. (Двічі)

Михалку, Михалку, взяла вода лавку,
Што ми ньов ходили (Двічі)
До гаю на травку. (Двічі)

МИСЛИ МОЇ, МИСЛИ

Мисли мої, мисли, пошто сте ту пришли,
Юж г неділю заповіди мойой милой вишли…

Заповіди вишли, весіля шикуют,
Але моя наймиленьша нич ся не радує..

Мила ся весільом нич не радувала,
Бо єй мама з дому силом за другого дала…

МИЛА МОЯ, ЯК СЯ МАШ

Мила моя, як ся маш, як ся маш,Випровад ня, де лем знаш, де лем знаш.Там на лучку зелену, зелену,Під черешню червену, червену.Там на лучку зелену, зелену,Під черешню червену, червену. Мила моя, не слухай никого,Лем ся тримай розуму свойого.Хоц бис мала лем єдно кабатя,Мила моя, не зохаблю я тя.Хоц бис мала лем єдно кабатя,Мила моя, не… Читати далі МИЛА МОЯ, ЯК СЯ МАШ

МИЛА МОЯ, ЧОМ ТИ ТАКА БЛЯДА

Мила моя, чом ти така бляда,
Ци та хвора, чи ся любиш рада?
Ним не хвора, ни ся люблю рада,
Стоїт пред мя превелика зрада.

Мила моя, не слухай никого,
Лем ся тримай розуму свойого,
Хоц ти будеш лем в єднім кабаті,
Мила моя, не зоставлю я тя.

Мила моя, нич не будеш робиц,
Лем мі будеш все так красні ходиц.
Наша мітла сама хижу мете,
Під облачком бистра вода тече.

На горбочку червени ягоди,
Повідж, мила, хто до тебе ходит?
Не повім я, мій миленький, тобі,
Не будеш знав — не буде жаль тобі.

На горбочку червени малини
Качаються згори до долини.
А Боже мій, хто мі їх позберат,
Кед мій милий ся на мене гніват.