Blog

КЕД СОЙ ИШОВ З ПЕРЕЧИНА ДОДОМУ

Кед сой ишов з Перечина додому,
Застала мі чорна кура дорогу.
Гей-сьо, гей-сьо, чорна куро, додому,
Не заставай, не заставай
По дорозі никому.

Як ишов я з Перечина до Хусту,
Найшов я си вишиваную хустку.
Ой ци мила, ци не мила ю шила,
Лем би она, лем би она
Вишиваная била.

Як я ишла вчера вечер з панського,
Надибалам по дорозі милого.
Він мя стискав і притискав до себе,
Ой ци підеш, ци не підеш,
Моя мила, за мене?

КЕД СОЙ ИШОВ З АМЕРИКИ

Кед сой ишов з Америки,
Гей, додому, додому,
Здибав я там австріяка,
Гей, на коню, на коню.

Камераде австріяку,
Гей, як ся маш, як ся маш!
Ци жиє там француз Осиф,
Ей, цисар наш, цисар наш!

Ой ничого, камераде,
Ой ничого, ничого,
Гей, нема ту в нашім краю,
Гей, ничого доброго.

Ни пінязий, ни роботи,
Ни палюнки, ни хлеба,
Гей, лем в тоту Америку,
Гей, машировац треба.

КЕД СЕМ ІШОВ З КЕРЕШМЕЗУ КУ ПРАДЗЕ

Кед сем ішов з Керешмезу ку Прадзе,
Споткало ся шварне дзевча на дродзе,
Іди, іди, шварне дзевча, додому,
Не заставай ти на дродзе никому.
Іди, іди, шварне дзевча, додому,
Не заставай ти на дродзе никому.

Кед сем ішов з Керештура до Талії,
Бренкали ми подковечки, бренкали.
Лем ти мене, мій коничку, добре нес,
Дам я тебе підкувати єще днес.
Лем ти мене, мій коничку, добре нес,
Дам я тебе підкувати єще днес.

КЕД МІ ПРИШЛА КАРТА НАРОКОВАЦ

Кед мі пришла карта нароковац,Став я свого няня дошиковац:Няню, ви, мій няню, зробте таку волю,Идте за ня служиц на ту войну. Кедь мі пришла карта нароковац,Став я музикантів дошиковац:Гей, ви, музиканти, заграйте мі чардаш,Най я сой погулям в той молодий час. Стали музиканти чардаш грати,Стали мі ся сльози з очей ляти,Нихто не заплаче: ни отец,… Читати далі КЕД МІ ПРИШЛА КАРТА НАРОКОВАЦ

КЕД ЄМ ІШОВ ПРЕЗ ТОТ ЛІС

Кед єм ішов през тот ліс (Двічі),
През ліс калиновий, (Двічі)

А там в лісі на горі (Двічі)
Камінь мармуровий. (Двічі)

А з-під того каменя (Двічі)
Водичка виливат, (Двічі)

Напийся єй, моя мила (Двічі),
Кед єс справедлива. (Двічі)

Я бим ся єй напива (Двічі),
Красу бим стратива, (Двічі)

А што би я, Ванічку (Двічі),
Без краси робива? (Двічі)

А ти мене не взяв (Двічі),
Я би так ходива. (Двічі)

Я бим тебе таку брав, (Двічі)
Бом тебе облюбував, (Двічі)

Ганзю моя мива, (Двічі)
Будеш моя жена! (Двічі)

Співала Марія Горбаль, село Бортне

Антологія лемківської пісні /Упорядник М. Байко/. — Львів, Видавнича фірма «Афіша», 2005