Blog

КЕБИ ТАК ГОРІЛА КАЛИНА, ЛІЩИНА

Кеби так горіла калина, ліщина,
Як горит дівчина, як видит фраїра.

Ой горит дівчина, як видит фраїра,
Личко руменіє, стоїт, як лелія.

Гори ти, дівчино, гори, розвивайся,
Покля с молоденька, то ж не оддавайся!

КАМІНЬ НА КАМЕНИ

КАЛИНО, КАЛИНО ЧЕРВЕНА

Калино, калино, калино червена, (Двічі)Почкай мя, дівчатко, почкай мя, рум’яне. А коли ся будеш мила видавати, (Двічі)То дай мені зараз, ой, до війська знати. Ой до війська знати, до пана султана, (Двічі)Щоб мене відпустив, ой, в неділю зрана. Ой в неділю рано, скоро сонце сходит, (Двічі)А молодий рекрут по казармі ходит. Молода дівчина аж ся… Читати далі КАЛИНО, КАЛИНО ЧЕРВЕНА

КАЛИНА, КАЛИНА, ПО НІЙ ЯВОРИНА

Калина, калина, по ній яворина. (Двічі)
Одроб мі, мой мила, (Двічі)
Штос мі поробила.

А ти поробила не нарік, не на два. (Двічі)
Юж я ти, мій милий, (Двічі)
Одробиц не годна.

Калина, калина, чом не процвітаєш? (Двічі)
Молода дівчина, (Двічі)
Чом плачеш, ридаєш?

Як мі не плакати, як мі не тужити, (Двічі)
Любилам милого, (Двічі)
Не можу з ним жити.

Й А, ЛЮЛЮ МІ, ЛЮЛЮ (колискова)

Й а, люлю мі, люлю,
Добрі тобі спати,
Покля тя колише
Твоя рідна мати.

Але як тя буде
Чужа колисати,
Буде ти, синочку,
Колиска скрипати.

Колисала бим тя
До рана, до біла,
Кед би я, дитино,
Спати не хотіла.

Ой гаю мій, гаю,
Добрі тобі спати,
Покля тя колише
Твоя рідна мати.