admin – Сторінка 68 – Молода Лемківщина

МАМ Я КРАСНУ ЗАГРАДЕЧКУ

Мам я красну заградечку,
Нихто не знат, што в ній мам.

Та лем тота фраїрочка,
Што она мойом буде.

Фраїрочка задримала,
Задримала, я заспав.

А хто же мі, а хто же мі
З-за калапа перко взяв?

Мам я косу, косічку,
Мам я кому остру.
Она мі покосит, бо мусит
На самім горбочку.

Мам я косу косічку,
Мам я косу тупу.
Она мі покосит, бо мусит
Чатиноньку суху.

Мам я косу од тамтого рочку, (Двічі)
Моя коса добрі косит по самім горбочку.

Мам я косу, мам я косу добру, (Двічі)
Моя коса добрі косит команічку дробну.

Мам я граблі без єдного зубця, (Двічі)
Але я їх добрі продам, бо мам на них купця.

Мам я граблі з шиткима зубцями, (Двічі)
Буду нима сіно грабав тай медже горбами.

Мам коника шарґу і фраїрку гарду,
Добрий коник шарґа і фраїрка гарда. (Двічі)

Конику сивавий, вивезь мя з мурави,
Як мя не вивезеш — стрілю ти до глави. (Двічі)

Коничок сивавий вивюз го з мурави,
Чекай мене, дівча, для милой розмови. (Двічі)

Козак приїжджає, дівчину питає,
Чи вона його вірні, вірненько кохає. (Двічі)

Мали діти матір, (Двічі)
То била мачоха. (Двічі)

Вивела їх она (Двічі)
Стерню оганяти. (Двічі)

Діточки поснули, (Двічі)
Стерню не огнали. (Двічі)

Взяла она собі (Двічі)
Два прути тернови. (Двічі)

Так она їх била, (Двічі)
Прути поламала! (Двічі)

Пішли они, пішли (Двічі)
На свой мами гробик. (Двічі)

Ой а хто то там, хто (Двічі)
По мой гробі ходит? (Двічі)

Ой ми, матусю, ми, (Двічі)
Пусте нас ку собі! (Двічі)

А идте ви, идте (Двічі)
До свой мачошиці (Двічі)

Най вам їсти дає (Двічі)
І приодіває. (Двічі)

Як она нас миє, (Двічі)
Поза карк нас биє, (Двічі)

Як она нас чеше, (Двічі)
З голови кров тече. (Двічі)

Своїм дитяточкам (Двічі)
Шнурочки купує. (Двічі)

А нам, сирітонькам, (Двічі)
Ниточки жалує. (Двічі)

Своїм дитятонькам (Двічі)
Калачики пече. (Двічі)

А нам, сирітонькам, (Двічі)
З отрубів загнете. (Двічі)

Зіслав Пан-Біг, зіслав (Двічі)
Двох шатанів з пекла. (Двічі)

Взяли мачошицю, (Двічі)
Пішли з ньом до пекла. (Двічі)

Кеби я ся могла (Двічі)
На сей світ достати, (Двічі)

Знала би я, знала, (Двічі)
Як сиротам платиц. (Двічі)