Заграйте же мі весело, (Двічі)
Закля мій вінок, злотий перстенок
Над чолом, над чолом.
Замочила го в росолі, покотила го по столі,
Ой їмай, їмай, наймиленьший
Соколе, соколе.
Соколятко го зімало, (Двічі)
На врані коні (Двічі)
Сідало, сідало.
Запрігай коні, смаруй віз, (Двічі)
Сідай же моя мила, наймиленьша
І я тіж, і я тіж!
Заграй мі, цигане, співаночку тоту,
Што єс грав коли си вечором в суботу. (Двічі)
Твої стари гушлі так чудово грали,
Же люде і гори радо їх слухали. (Двічі)
Заграй мі, цигане старий,
Заграй мі все, що знаєш,
І грошей дам, вина ти дам
І все, що лиш бажаєш.
І грошей дам, вина ти дам
І все, що лиш бажаєш.
Заграй мі, цигане старий,
На гушельки, на баси,
Най спомну літа молоді
І незабутні часи.
Най спомну літа молоді
І незабутні часи.
Твої старенькі гушельки
Так пречудово грали,
Же старі і молодії—
Усі ся чудували!
Же старі і молодії—
Усі ся чудували!
Заграй мі, цигане старий,
Заграй, як грав колиси,
Бо давній вечер золотий
Не сходит мені з мисли.
Бо давній вечер золотий
Не сходит мені з мисли.
Чудовий вечір золотий
У вранішню порошу.
Заграй мі, цигане старий,
О то тя дуже прошу.
Заграй мі, цигане старий,
О то тя дуже прошу.
Заграй мі, гудачку, на тонку струночку,
Жебим витанцував, ей, мою фраїрочку!
Ой женив би я ся, мам я на то волю,
Але я ся того, ей, ґаздуваня бою.
Заграй мі, гудачку, на цілого смика,
А я ти заплачу, ей, як продам коника.
Заграйте мі, гуслі, заграйте мі, баси,
Най си витанцую, ей, свої млоди часи.
Заграйте, заграйте, гуслі яворови,
Най ся витанцуют, ей, ножки шугайови.
Ой грали гудаки, грали аж три танці,
Керпці ся подерли, аж вилазят з них пальці.
Так жем ся зтанцував, аж змокла сорочка,
Нехай ся вам веде, ей, два сини до рочка!
Заграй мі, гудачку, ей, на тонку струночку,
Най сой витанцую, ей, свою фраїрочку.
Заграй мі, гудачку, ей, на цілого смика,
А я ти заплачу, ей, як продам коника.
Заграйте мі, гушлі, ей, заграйте мі, баси,
Най си витанцую, ей, свої млоди часи.
Ой женив би я ся, бо мам я на то волю,
Але я ся того, ей, газдованя бою.
Заграйте, заграйте, ей, гушлі яворови,
Най ся витанцуют, ей, ножки шугайови.
Ей, грали гудаце, ей, гради аж до рана,
Керпці ся подерли, ей, аж вилазит шмата!