Заграй мі, гудаку, гей, заграй мі до краси, Най си витанцюю, ей, свої млоди часи. (Двічі) Ей, не ужили краси мої млоди літа, Ей, не ужили світа, не ужили світа. (Двічі) Дружба я си, дружба, а капелюша не мам, Часи ся змінили, гей, і люде з нима. (Двічі) Часи ся змінили, няньове постаріли. А нами… Читати далі ЗАГРАЙ МІ, ГУДАКУ, ГЕЙ, ЗАГРАЙ МІ ДО КРАСИ
Автор: admin
ЗАГРАЙ ЖЕ МІ ПОТРЯСКУ
Заграй же мі потряску,
Бом стратила, червена ружа, дробна фіалка,
Запаску.
Заграй же мі єще раз,
Бом стратила, червена ружа, дробна фіалка,
Другу зас.
Сяку-таку з квітами,
Штом стратила, червена ружа, дробна фіалка,
Від мами.
ЗА ЯРЕЧКОМ, ЗА ЯРЕЧКОМ, ЗА ВОДОМ
За яречком, за яречком, за водом
Єсть там дівча, єсть там дівча з подобом.
Коби мі го, коби мі го хтіли дац,
Знав бим го, знам би го шанувац.
А як мі го, а як мі го не дают,
То най си го, то най си го тримают.
Ой най си го, ой най си го за облачком засадят,
Най на него паробочки не глядят!
ЗА ЯРЕЧКОМ ШАТИ ПРАЛА
За яречком шати прала, горі, долов попатряла,
Гоп, цюп, черчик хлопчик ладний!
На черчику плащ єдвабний, сідит милий на коню,
Машерує на войну.
Коня взяла за вуздечку, миленького — за ручечку,
Гоп, цюп, черчик хлопчик ладний!
Коню дала вівса-сіна, а милому меду-вина.
Гоп, цюп, черчик хлопчик ладний!
Чи тобі жаль вівса-сіна, чи милому меду-вина?
Гоп, цюп, черчик хлопчик ладний!
Ни мі не жаль вівса-сіна, ни милому меду-вина,
Гоп, цюп, черчик хлопчик ладний!
Але мі жаль того світа, што так марно ідут літа…
Гоп, цюп, черчик хлопчик ладний!
ЗА ЯРЕЧКОМ МИЛА СТОЯЛА
За яречком мила стояла, стояла, стояла
В чистій водиці рученьки вмивала, вмивала, вмивала.
Ой рученьки мої біленьки, біленьки, біленьки.
Кому ж ви будете миленьки, миленьки, миленьки?
Жеби то доброму, дай Боже, дай Боже, дай Боже.
Але як планному, хрань Боже, хрань Боже, хрань Боже.
Заваруй ня, Боже, од злого,од злого, од злого,
Од води великой, од мужа бридкого, бридкого, бридкого.
Од води великой, бо бим ся втопила, втопила, втопила,
Од мужа бридкого, бо бим ся ганьбила, ганьбила, ганьбила.