Категорія: Різне

ІДЕ ДОЧ

Іде доч, іде доч, ой іде доч дрібненький,
Плачут мої вочка, ой за тобом, миленький. (Двічі)

Іде доч, іде доч, на камени ся сіє,
До мене миленький здалека ся сміє. (Двічі)

Іде доч, іде доч, ой по листочку шустит,
Повідат миленька, же ся ня не пустит. (Двічі)

Кед ся ня не пустит, най же ся ня тримат,
Як буковий листок, коли ся розвият. (Двічі)

Доч іде, доч іде, мій милий пріч іде.
Дожджику втаймийся, ей, мій милий, вернийся. (Двічі)

ІДЕ ДІВЧА ЛУЧКАМИ

Іде дівча лучками, лучками, лучками, лучками
Розмахує ручками, ручками, ручками, ручками.

Споткався з ньом паробок, паробок, паробок, паробок
Покаж, дівча, заробок, заробок, заробок, заробок.

Дівча, дівча, што там маш, што ти маш, што ти маш што ти маш
Же фартушком прикриваш, прикриваш, прикриваш, прикриваш?

Грушки, ябка, сливки мам, сливки мам, сливки мам, сливки мам
Кого люблю, тому дам, тому дам, тому дам, тому дам.

Кого люблю трошечки, трошечки, трошечки, трошечки
Дам му лем дві грушечки, грушечки, грушечки, грушечки.

Кого люблю сердушком, сердушком, сердушком, сердушком
Дам му вшитко з фартушком, з фартушком, з фартушком, з фартушком.

ИШОВ ЯНИЧКО В ОГЛЯДИ

Ишов Яничко в огляди (Двічі)
Без материнськой поради. (Двічі)

А як ся мати дознала, (Двічі)
На Чорну гору бігала. (Двічі)

Дрібне коріння копала, (Двічі)
Она Яничка струц мала. (Двічі)

А як ся Янчик то напив, (Двічі)
Зараз за серце ся злапив. (Двічі)

Нич ти, синочку, не буде, (Двічі)
Лем покля сонце не зайде. (Двічі)

Сонце за гору заходит, (Двічі)
З Яничка душа виходит. (Двічі)

З Ганичком идут на воду, (Двічі)
Яничка несут до гробу. (Двічі)

Тераз, мамичко, тераз маш (Двічі)
Заміст весілля погріб враз! (Двічі)

ИШОВ ФУРМАН З ПОДОЛЯ

Ишов фурман з Подоля, (Двічі)
На качмарку заволав: (Двічі)

— Качмарочко молода, (Двічі)
Де єст добра господа? (Двічі)

— У мене єст господа, (Двічі)
Бо я сама молода. (Двічі)

Маю вино і пиво, (Двічі)
І оброчок, і сіно, (Двічі)

І дві дівки служебни (Двічі)
Для фурманів потребни. (Двічі)

— А, качмарко Маринко, (Двічі)
Налій же мі збан винка! (Двічі)

— Як же я ти наляц мам, (Двічі)
Кед подертий жупан маш? (Двічі)

— Хоц подертий мам, (Двічі)
Але мам грошей, яко пан. (Двічі)

— Як маш грошей, яко пан, (Двічі)
То я за тя дівку дам. (Двічі)

Ти би дівку давала, (Двічі)
А сама ся не брала. (Двічі)

Горці тримаш під лавом, (Двічі)
Заросли ти муравом. (Двічі)

А таліри під столом (Двічі)
Заросли ти барлогом. (Двічі)

ИШОВ СОЙ ОД МИЛОЙ

Ишов сой од милой,Заблудив сом. (Тричі)І зостал сом спати под ядловцом,Гей, ля тріля, под ядловцом! А з того ядловцаЛубок лежит, (Тричі)А до мойой милой інший ходит,Гей, ля тріля, інший ходит! Кед ходит, най си ходит,Най си єй ма. (Тричі)Най собі єй перед мном не обийма,Гей, ля тріля, не обийма! Бо мої оченька,Як у врана, (Тричі)За… Читати далі ИШОВ СОЙ ОД МИЛОЙ