Категорія: Різне

ЗА ГОРОЮ, ЗА ЛУГОМ

За горою, за лугом
Ходить жовнір за плугом.
Оре рілю не свою,
Добре, што в своїм краю.
Оре рілю не свою,
Добре, што в своїм краю.

Оре, оре, тай тужит,
Хто родині послужит?
Хто їм зоре, хто зіжне,
Як їм мене не стане?
Хто їм зоре, хто зіжне,
Як їм мене не стане?

Сонце ясно світило,
Світ золотом накрило.
А здалека громи б’ют,
Людям жити не дают.
А здалека громи б’ют,
Людям жити не дают.

Тутки наши орали,
Тутки наши сіяли.
За те поле, за село
Немало їх тут лягло.
За те поле, за село
Немало їх тут лягло.

На вояцкій могилі
Будут травку косити.
Тут пшениця виросте,
Синій блават зацвите.
Тут пшениця виросте,
Синій блават зацвите.

ЗА ГОРОМ — КРЯК

За гором-кряк, під гором-пняк, (Двічі)
Серед води-рибонька, а в тім селі-дівонька,
Котрій я рад. (Двічі)

Дівча моє, серце моє, (Двічі)
Почекай мя до яри, аж заквитнут фіяли —
Будеш моя. (Двічі)

А Орися не чекала, (Двічі)
Фіяли розвивала, заквитнути не дала
До Михала. (Двічі)

А ци я фрас, же мя не знаш, (Двічі)
Я за свої дукати знайду собі не таку,
Яка ти єс. (Двічі)

ЗА ГОРКОМ, ЗА ГОРКОМ

За горком, за горком, але бо не за том.
Пасе ся когутик з курочком чубатом. (Двічі)

За Дунай, за Дунай, за ту тиху воду,
Мам я там фраїрку, як ту ягоду. (Двічі)

Прид, милий, прид, милий, але мі не одкаж,
Бо моє серденько засмучене єст зас. (Двічі)

ЗА ГОРАМИ, ЗА ЛІСАМИ ЛУЧКА ЗЕЛЕНА

За горами, за лісами лучка зелена.
Проходиться по ній мила, чорни очка ма.
Чорни очка ма, смутно на ня попатря,
Личко ся їй зруменіло, як ружа червена.
Чорни очка ма, смутно на ня попатря,
Личко ся їй зруменіло, як ружа червена.

Посіяв я яре жито — жав го не буду.
Полюбив я шварне дівча — брав го не буду.
Посіяти-не жати, полюбити-не взяти,
За фалечне любуваня Пан Біг заплатит!
Посіяти-не жати, полюбити-не взяти,
За фалечне любуваня Пан Біг заплатит!

ЗА ГОРАМИ, ЗА ЛІСАМИ

За горами, за лісами
Танцювала Марияна з гусарами. (Двічі)

Вишли по ню отец і мац:
Мариянно, шварна панно, под додом спац! (Двічі)

Я не піду — идте сами,
Бо я буду танцювати з гусарами. (Двічі)

А в гусарів чорни очи,
Буду з ними танцювати до півночи. (Двічі)

Од півночи аж до рана
Зареклася Мариянна танцюваня… (Двічі)