Категорія: Співанки

ЗАГРАЙТЕ, МУЗИКИ

Заграйте, музики, (Двічі)
Юж весіля іде,
Бо наш сусідонько (Двічі)
Донечку оддає.

Розмария, як лелия набіло розквитала, гей!
Наша Анничка лем за Яничка
Би ся оддавала!

Дам я яловицю (Двічі)
І цілого коня,
Жеби моя доня (Двічі)
Не сиділа дома.

Розмария, як лелия набіло розквитала, гей!
Наша Анничка лем за Яничка
Би ся оддавала!

Виняла м перечко, (Двічі)
Дала м шугайови.
Наробила м жалю (Двічі)
Мому Яничкови.

Розмария, як лелия набіло розквитала, гей!
Наша Анничка лем за Яничка
Би ся оддавала!

Яничку, Яничку, (Двічі)
Повідж мі на віру,
Ци мя возмеш ци ні, (Двічі)
Як ся зостарію?

Розмария, як лелия набіло розквитала, гей!
Наша Анничка лем за Яничка
Би ся оддавала!

ЗАГРАЙТЕ МІ, ГУДАЧКИ, ЗАГРАЙТЕ МІ ТРИ ТАНЦІ

Заграйте мі, гудачки, заграйте мі три танці,
Керпці ся мі подерли і виходят з них пальці, з них пальці

Так єм ся розтанцовав, аж мі змокла сорочка,
А вам жеби ся вело хоч два сини до рочка, до рочка.

Ой грайте мі, гудачки, тай чардаша весело,
Жеби ся молодятам господарство вело,вело!

ЗАГРАЙТЕ МІ ПОТРЯСКУ

Заграйте мі потряску,
Бом стратила, червена ружа,
Дробна фіалка, запаску.
Бом стратила, червена ружа,
Дробна фіалка, запаску.

Яку-таку, з квітами,
Літом принесла, червена ружа,
Дробна фіалка, від мами.
Літом принесла, червена ружа,
Дробна фіалка, від мами.

Заграйте мі ищи раз,
Бом стратила, червена ружа,
Дробна фіалка, другу зас.
Бом стратила, червена ружа,
Дробна фіалка, другу зас.

 

ЗАГРАЙТЕ ЖЕ МІ ВЕСЕЛО

Заграйте же мі весело, (Двічі)
Закля мій вінок, злотий перстенок
Над чолом, над чолом.

Замочила го в росолі, покотила го по столі,
Ой їмай, їмай, наймиленьший
Соколе, соколе.

Соколятко го зімало, (Двічі)
На врані коні (Двічі)
Сідало, сідало.

Запрігай коні, смаруй віз, (Двічі)
Сідай же моя мила, наймиленьша
І я тіж, і я тіж!

ЗАГРАЙ МІ, ЦИГАНЕ, СПІВАНОЧКУ

Заграй мі, цигане, співаночку тоту,
Што єс грав коли си вечором в суботу. (Двічі)

Твої стари гушлі так чудово грали,
Же люде і гори радо їх слухали. (Двічі)