Категорія: Співанки

ЗАГРАЙ МІ, ЦИГАНЕ СТАРИЙ

Заграй мі, цигане старий,
Заграй мі все, що знаєш,
І грошей дам, вина ти дам
І все, що лиш бажаєш.
І грошей дам, вина ти дам
І все, що лиш бажаєш.

Заграй мі, цигане старий,
На гушельки, на баси,
Най спомну літа молоді
І незабутні часи.
Най спомну літа молоді
І незабутні часи.

Твої старенькі гушельки
Так пречудово грали,
Же старі і молодії—
Усі ся чудували!
Же старі і молодії—
Усі ся чудували!

Заграй мі, цигане старий,
Заграй, як грав колиси,
Бо давній вечер золотий
Не сходит мені з мисли.
Бо давній вечер золотий
Не сходит мені з мисли.

Чудовий вечір золотий
У вранішню порошу.
Заграй мі, цигане старий,
О то тя дуже прошу.
Заграй мі, цигане старий,
О то тя дуже прошу.

ЗАГРАЙ МІ, ГУДАЧКУ, НА ТОНКУ СТРУНОЧКУ

Заграй мі, гудачку, на тонку струночку,
Жебим витанцував, ей, мою фраїрочку!

Ой женив би я ся, мам я на то волю,
Але я ся того, ей, ґаздуваня бою.

Заграй мі, гудачку, на цілого смика,
А я ти заплачу, ей, як продам коника.

Заграйте мі, гуслі, заграйте мі, баси,
Най си витанцую, ей, свої млоди часи.

Заграйте, заграйте, гуслі яворови,
Най ся витанцуют, ей, ножки шугайови.

Ой грали гудаки, грали аж три танці,
Керпці ся подерли, аж вилазят з них пальці.

Так жем ся зтанцував, аж змокла сорочка,
Нехай ся вам веде, ей, два сини до рочка!

ЗАГРАЙ МІ, ГУДАЧКУ, ЕЙ, НА ТОНКУ СТРУНОЧКУ

Заграй мі, гудачку, ей, на тонку струночку,
Най сой витанцую, ей, свою фраїрочку.

Заграй мі, гудачку, ей, на цілого смика,
А я ти заплачу, ей, як продам коника.

Заграйте мі, гушлі, ей, заграйте мі, баси,
Най си витанцую, ей, свої млоди часи.

Ой женив би я ся, бо мам я на то волю,
Але я ся того, ей, газдованя бою.

Заграйте, заграйте, ей, гушлі яворови,
Най ся витанцуют, ей, ножки шугайови.

Ей, грали гудаце, ей, гради аж до рана,
Керпці ся подерли, ей, аж вилазит шмата!

ЗАГРАЙ МІ, ГУДАКУ, ГЕЙ, ЗАГРАЙ МІ ДО КРАСИ

Заграй мі, гудаку, гей, заграй мі до краси, Най си витанцюю, ей, свої млоди часи. (Двічі) Ей, не ужили краси мої млоди літа, Ей, не ужили світа, не ужили світа. (Двічі) Дружба я си, дружба, а капелюша не мам, Часи ся змінили, гей, і люде з нима. (Двічі) Часи ся змінили, няньове постаріли. А нами… Читати далі ЗАГРАЙ МІ, ГУДАКУ, ГЕЙ, ЗАГРАЙ МІ ДО КРАСИ

ЗАГРАЙ ЖЕ МІ ПОТРЯСКУ

Заграй же мі потряску,
Бом стратила, червена ружа, дробна фіалка,
Запаску.

Заграй же мі єще раз,
Бом стратила, червена ружа, дробна фіалка,
Другу зас.

Сяку-таку з квітами,
Штом стратила, червена ружа, дробна фіалка,
Від мами.