лемківські пісні – Сторінка 19

НА ВИСОКІЙ ГОРІ СНІЖОК СЯ БІЛІЄ

На високій горі сніжок ся біліє,
Де ся моя мила, ой на зиму подіє? (Двічі)

Збудую єй хижу з тесаного древа,
Ище єй донесу, што єй буде треба. (Двічі)

Збудую єй хижу з тесаного древа,
Буде сой сиділа, яко королева. (Двічі)

Збудую єй хижу на високій горі,
Буду я єй носив орішечки в торбі. (Двічі)

Орішечки в торбі, яблочка в капусті,
Буде мі давала солодкой гамбусі. (Двічі)

Муляре, муляре, вадні муруєте.
По єдну цеголку, по єдну цеголку до муру даєте. (Двічі)

Муляре, муляре, што потребуєте?
Ци вапна, ци глини, ци вапна чи глини — вшитко достанете. (Двічі)

Потрібно нам вапна, потрібно нам глини, (Двічі)
Вшиткого доброго до муру нового і вадной дівчини. (Двічі)

Моя фраїречко, увий мі перечко,
Увий мі перечко, а напівчервене.

Перечко м увила, але ти го не дам,
Бо на твою красу доброй волі не мам.

Почекай ня, милий, на дубовім мості,
Принесе ти риба перечко на хвості.

Не єдна рибонька попід міст перешва,
Іщим я не видів, жеби перко несва.

Моя фраїречко, вивий мі перечко, (Двічі)
Вивий мі зелене, (Двічі)
А напівчервене.

Вивию, вивию, але ти го не дам, (Двічі)
Бо на твою красу (Двічі)
Доброй волі не мам.

Чого ж ти не пришов, як я ти казала, (Двічі)
Юж твоє перечко (Двічі)
Бистра вода взяла.

Стан собі, шугаю, на дубовім мості, (Двічі)
Несе твоє перко (Двічі)
Рибонька на хвості.

Не єдна рибонька попід міст перешла, (Двічі)
Але я не видів, (Двічі)
Жеби перко несла.

Фраїречки штири, про штосте ся били? (Двічі)
Про тебе, фраїрю, (Двічі)
Бо зме тя любили.

Моя мила, моя мила, премила,
Пораю ти, пораю ти фраїра.
Пораю ти, пораю ти, кого хцеш,
Бо юж моя, бо юж моя не будеш.

Моя мила, моя мила, дай ручку,
Бо я їду на ту войну французку.
А як піду, там юж мене забиют,
А пізніше розмарином прикриют.