лемківські пісні – Сторінка 43

ЗЕЛЕНЕ М ПОСІЯВ (ЯКЕ М ДІВЧА ЛЮБИВ)

Зелене м посіяв, зелене мі зишло,
Яке м дівча любив, таке за мя пішло.

Богацьке попросив — ани не слухало,
Худобне м попросив — такой ручку дало.

І ручку ми дало, і серденько своє,
Дівчинонько мила, здамеся обоє.

На єдно ся здаме-чорни очка маме,
На друге ся здаме-єще нич не маме.

Зелене м посіяв, на сонци дозріват,
Коханячко наше нех ся нам розвият.

Зелена сосна горіла, (Двічі)
Під ньов милейка (Тричі)
сиділа.
Під ньов милейка (Тричі)
сиділа.

Іскорки на ню падали, (Двічі)
Молодці за ньов (Тричі)
плакали.
Молодці за ньов (Тричі)
плакали.

А ви, молодці, не плачте, (Двічі)
Зелену сосну (Тричі)
загасте.
Зелену сосну (Тричі)
загасте.

Зелену сосну гасили, (Двічі)
В решеті воду (Тричі)
носили.
В решеті воду (Тричі)
носили.

Скілько у решеті дірок є, (Двічі)
Тілько у Мокрім (Тричі)
дівок є!
Тілько у Мокрім (Тричі)
дівок є!

Зелена ліщина орішки родила,
Молода дівчина козака любила. (Двічі)

Козака любила і за ним тужила:
Через тебе, козаченьку, мене мати била. (Двічі)

Била мене мати опаленим кийом,
Ой жеби я не ходила за бітовим сином. (Двічі)

Била мене мати опаленом тріском,
Ой жеби я та не била вітовом невістом. (Двічі)

Била мене мати та ще буде бити,
Перестань же, козаченьку, до мене ходити. (Двічі)

Я не перестану, поки не дістану
Личка твого рум’яного, хорошого стану. (Двічі)

Зелена ліщина оріхи родила,
Молодая дівчинонька козака любила. (Двічі)

Вона го любила і за ним тужила,
Мене про козака моя мамця била. (Двічі)

Била мене мати і ще буде бити,
Як не перестану козака любити. (Двічі)

Я не перестану, покля не дістану
Личка рум’яного, хорошого стану. (Двічі)

Над водою стою, у воду дивлюся,
Такий замір маю, що я утоплюся. (Двічі)

Не журся, дівчино, не загублюй душу,
Хоц ти найбідніша, тебе взяти мушу! (Двічі)

Зелена липка горіла. (Двічі)
Під ньов дівчина сиділа. (Двічі)

Іскорки на ню падали, (Двічі)
А хлопці за ньов плакали. (Двічі)

Не плачте, хлопці, не плачте, (Двічі)
Зелену липку загасте. (Двічі)

Решетом воду носили, (Двічі)
Іскорки на ній гасили. (Двічі)

Кілько в решеті є води, (Двічі)
Тілько з вас, хлопці, вигоди. (Двічі)