Позначка: лемківські пісні

ЗДАЛЕКА ЗМЕ ПРИЇХАЛИ, КОНІ СЯ НАМ ЗАМАЧАЛИ

Здалека зме приїхали, коні ся нам замачали,
Треба би нам ручничка повтерац коничка. (Двічі)

Наша млода довго спала та ручники не наткала.
Било взяти палицю, витрепати молодицю! (Двічі)

І сам не знам по што їду,ци по жену, ци по біду.
Як по жену — то на возі, як по біду — на телізі! (Двічі)

І сам не знам по што їду, ци по жену, ци по біду.
Як по жену — оженюся, як по біду — звербуюся. (Двічі)

ЗДАЛЕКА ЗМЕ ПРИЇХАЛИ, КОНІ НАМ СЯ ЗАЛЮШТАЛИ

Здалека зме приїхали,
Коні нам ся залюштали.
Треба би нам ручничка
Повтирати коничка.

Як єм їхав брез тот хотар,
Візок ми ся розтеркотав.
Збирай мила колічечка,
Будеш моя фраїречка.

Як єм їхав брез ту воду,
Віз єм собі панну млоду.
Панну млоду і перину,
І пінязей міхурину!

ЗДАЛЕКА ЗМЕ ПРИЇХАЛИ, ГЕЙ, Я ГЕЙ, Я, ГЕЙ

Здалека зме приїхали, гей, я гей, я, гей!
Коні нам ся залюштали, гей, я гей!
Треба би нам рушничка
Повтирати коничка.

Як єм їхав брез тот хотар, гей, я гей, я гей!
Візок ми ся розтеркотав, гей, я гей!
Збирай мила кулічечка,
Будеш моя фраїречка.

Як єм їхав брез ту воду, гей, я гей, я гей!
Віз єм собі панну млоду, гей, я гей!
Панну млоду і перину,
І пінязей міхурину.

ЗВОНЯТЬ ЗВОНИ, ТРУБЛЯТЬ ТРУБИ (колядка)

Звонять звони, трублять труби, в Вифлеємі новина,
Повертає з Назарету пресвятая родина.
Гей, радуйтеся, люди, мир на земли буде,
Син Божий народився!

Звонять звони, б’ють литаври, всему світу звіщають,
Вже впускає Цар Спаситель грішні душі до раю.
Гей, радуйтеся, люди, мир на земли буде.
Син Божий народився!

ЗАШУМІЛИ ЛІСИ

Зашуміли ліси, зашуміли бори,
Бувайте здорови, (Двічі)
Бувайте здорови, мої рідні гори.

Бувайте здорови, мушу вас лишати,
Їду на чужину, (Двічі)
Їду на чужину хліба заробляти.

Вітер повіває, суха галуз впала,
Юж веселіст моя, (Двічі)
Юж веселіст моя, навіки пропала…