З коновечком по водичку —
Коновечка тече.
З коновечком до боднаря —
Боднар учку січе.
З коновечком по водичку —
Коновечка з водом.
Як мі миво танцювати,
Моя мива, з тобом.
Коновечка- на водичку,
Відерко- на винце.
Полюбімся, покохаймось,
Моє любе серце.
Як мі миво танцювати
Та на тім весілю,
Поможи мі, Пане Боже,
Взяти тя за жену.
З високой горочики злетіли гусочки,
Зберай, Ганусь, пюрка, зберай, Ганусь, пюрка,
Будуть подушечки.
Не буду зберала, бо мі мамця дала
Штири подушечки, штири подушечки
П’яту обіцяла.
Жито, жито, озимина,
Любит мене Катерина,
Она мене, а я єї,
Дай мі, Боже, взяти єї.
І сам не знам, што робити,
З ким ся маю оженити,
Ой чи з Ксеньом, чи Галином,
Чи з том гарном Катерином?
Женив бим ся, біда моя, (Двічі)
Вандруючи, ножки болят.
Чардаш, шпіцекі, голомбом!
Жебис била не кумечка, (Двічі)
Била бис мі фраїречка.
Чардаш, шпіцекі, голомбом!
Лем мі тівко фабірує, (Двічі)
Же кум куму не любує.
Чардаш, шпіцекі, голомбом!
Жеби ти знав, Янчик,
Як мя болит пальчик.
Ой навертав бис воли
І згори, і здоли.
Самам навернула,
На траву сой сіла,
Под же ту, миленький,
Штос бим ти повіла.
Повіла бим я ти
Таку новиноньку,
Жебис си поглядав
Іншу фраїроньку.
Жебис си поглядав,
Бо я юж си нашла.
Юж я тя не буду
Оченьками пасла.
Оченьками пасла,
За ручку водила.
Глядай си іншої,
Коль єм ти не мила.