лемківські пісні – Сторінка 39

ІДЕМЕ, ІДЕМЕ, ДРОЖКИ НЕ ЗНАЄМЕ

Ідеме, ідеме, дрожки не знаєме. (Двічі)
Добри люде знают, (Двічі)
То нам повідают.

Не тота мі мати, што мя виховала, (Двічі)
Але тота мати, (Двічі)
Што мі дівча дала.

Чого ти ту пришла, чого ти ту сіла, (Двічі)
Кед ти не робила, (Двічі)
Што будеш ти їла?

Хоц я не робила, але мій муж робив, (Двічі)
Самам ту не пришла, (Двічі)
Але по мя ходив.

Самам ту не пришла, вода мя принесла, (Двічі)
Бодай тота вода (Двічі)
На ярок не вишла.

Ідеме, ідеме, дороги не знаме,
В калиновім лісі ночувать будеме.

Ідеме, ідеме і піском, і ледом,
А чей дістанеме палюночки з медом.

Ідем, ідем, згори до долини,
Ідеме глядати той новой родини.

Ідеме, ідеме, де дві свічки горят,
Будеме дуркати, а чей нам отворят.

Кед нам не отворят — даме коням сіна,
Будеме чекати, де Ванцьова жена.

Іде звізда чудна з восток на полуднє,
Над вертепом сіяє, трьом царям путь являє.

З восток три царі Христу несуть дари.
Ірод же їх стрічає — «Куди ідете?» — питає.

«В Вифлеєм ідемо, Христу дари несемо,
Щоб нам зволив прожити, в небі Його хвалити!»

Іде доч, іде доч, ой іде доч дрібненький,
Плачут мої вочка, ой за тобом, миленький. (Двічі)

Іде доч, іде доч, на камени ся сіє,
До мене миленький здалека ся сміє. (Двічі)

Іде доч, іде доч, ой по листочку шустит,
Повідат миленька, же ся ня не пустит. (Двічі)

Кед ся ня не пустит, най же ся ня тримат,
Як буковий листок, коли ся розвият. (Двічі)

Доч іде, доч іде, мій милий пріч іде.
Дожджику втаймийся, ей, мій милий, вернийся. (Двічі)

Іде дівча лучками, лучками, лучками, лучками
Розмахує ручками, ручками, ручками, ручками.

Споткався з ньом паробок, паробок, паробок, паробок
Покаж, дівча, заробок, заробок, заробок, заробок.

Дівча, дівча, што там маш, што ти маш, што ти маш што ти маш
Же фартушком прикриваш, прикриваш, прикриваш, прикриваш?

Грушки, ябка, сливки мам, сливки мам, сливки мам, сливки мам
Кого люблю, тому дам, тому дам, тому дам, тому дам.

Кого люблю трошечки, трошечки, трошечки, трошечки
Дам му лем дві грушечки, грушечки, грушечки, грушечки.

Кого люблю сердушком, сердушком, сердушком, сердушком
Дам му вшитко з фартушком, з фартушком, з фартушком, з фартушком.